Nochtaíonn Fíor Scéal scéal nár insíodh faoi uafáis an súnámaí sa Téalainn in 2004.

Tá Fíor Scéal ar ais don bhliain nua agus mar is gnáth níl aon leisce orainn aghaidh a thabhairt ar mhórcheisteanna idirnáisiúnta ó chearta daonna go cúrsaí sláinte go téamh domhanda. 

Is sa Téalainn a bheidh an fócas don chéad chlár sa tsraith nua Fíor Scéal ag súil siar ar an oíche tubáisteach Lá Fhéile Stiofáin 2004. 

Bhí an tonn bháite a bhuail an Áis Thoir Theas Lá Fhéile Stiofáin 2004 ar cheann de na tubaistí nádúrtha ba mheasa riamh i gcuimhne na ndaoine. Maraíodh 228,000 duine i 13 tír i gcúpla uair an chloig. Sa Téalainn, tugadh faoi 5,000 corp, idir thurasóirí ó ar fud an domhain agus mhuintir na háite, a aithint - seo é scéal lucht na tarrthála agus na foirne fóiréinsí a thug faoi tasc ollmhór sin. 

Beidh an chlár seo ‘I nDiaidh na dTonnta’ á chraoladh anocht, oíche Déardaoin 9/01 ag 22.30 ar TG4.

Cláir faisnéise Fíor Scéal eile a bheidh á chraoladh ar TG4 ná;

Ollscoil na Lachan, Déardaoin 16/01 ag 22.30 ar TG4

Trí mhíle lacha, aon fheirmeoir agus aon sprioc mhór amháin - rís saor ó cheimiceáin a tháirgeadh. D'éirigh le feirmeoir sa Téalainn sin a dhéanamh le lachain a thraenáil le haire a thabhairt dá ghort ríse. Seo é a dtugtar feirmeoireacht inbhuanaithe air.

Féach oíche Déardaoin ag 22.30 ar TG4, le athchraoladh Dé Máirt 21/1 ag 01.00.

An tAonarán, Déardaoin 23/01 ag 22.30 ar TG4

Níl ach aon Srónbheannach Bán Tuaisceartach amháin fanta ar an domhan a bhfuil gardaí cosanta á chosaint. Tagann na sluaite, idir iriseoirí agus thurasóirí, chun na Céinia chun é a fheiceáil agus tá eolaithe ar an ndícheall an speiceas a thabhairt slán. Ach cad é an tóir seo a bhíonn ag an duine ar an ní atá ag dul i léig agus céard a insíonn sin faoin duine?

Féach oíche Déardaoin ag 22.30 ar TG4, le athchraoladh Dé Máirt 28/1 ag 01.00.

Beidh gach chlár le fáil ar seinnteoir TG4.ie ar feadh 30 lá tar éis an chéad chraoladh.