Tar éis dhá bhlian a chaitheamh le Ros na Rún, ghlac Seán páirt sna sraitheanna Custer's Last Stand-Up, Adharca Fada, F.F.C. agus Rásaí na Gaillimhe, chomh maith leis an ngearrscannán An Díog is Faide agus na scannáin Cré na Cille agus Kings. Rinne sé clár faisnéise do TG4, Faoi Chré na Cille, a bhain le léiriú an scannáin. Tar éis Na Cloigne, beidh sé le feiceáil in Seacht, Anseo, Síol agus Seachtar na Cásca ar TG4 in 2010.
Ar an stáitse, bhí sé páirteach sna drámaí An Cearrbhach Mac Cába, Tine Chnámh (An Taidhbhearc); Fiche Blian ag Fás (Fíbín); Spring Awakening, One Last White Horse, Animal Farm agus Philadelphia Here I Come (Galway Youth Theatre); Doctor Faustus, Waiting For Godot agus Blood Wedding (Theatrecorp); agus An tSeanbhróg (Salamander).
Tar éis ainmniúchán a bhaint amach don scríbhneoireacht is fearr i Project 06 dá dhráma The Dead, A Rose & A Beer Too Many, scríobh agus léirigh sé dráma do Fíbín Gáire 'gus Caoineadh Ó Luain go hAoine a chuaigh ar chamchuairt náisiúnta.